Граѓаните на Германија и Австрија користат готовина повеќе од жителите на седум други европски земји. Во анкетата на Институтот YouGov, од 2.026 возрасни испитаници во Германија, 73 проценти навеле дека најчесто користениот метод на плаќање е готовината, пренесува ДПА.
Процентот на луѓе кои најчесто плаќаат во готовина во Германија дури и се зголемил во споредба со анкетата од претходната година, кога изнесувал 69 проценти.
Во други земји, употребата на готовина е во опаѓање и во Австрија, каде што во најновото истражување 71 процент од 1.000 учесници во анкетата рекле дека често користат готовина.
Во седум други земји, банкнотите и монетите се користат многу поретко. Во Швајцарија, која е на третото место, 61 процент од луѓето често користат готовина. Во Ирска, уделот е 58 проценти, во Франција 51 процент, а во Холандија 46 проценти.
Готовината особено ретко се користи во трите скандинавски земји. Во Шведска, 25 проценти од испитаниците користат готовина, во Данска, 32 проценти, а во Финска, 42 проценти.
Околу една четвртина во Шведска, поточно 27 проценти, велат дека воопшто не користат готовина. Во Данска, речиси секој петти испитаник, односно 18 проценти, го тврди истото. За споредба, само два проценти во Германија и еден процент во Австрија воопшто не користат готовина.
Целосно збогување со готовината во следните десет години се смета за сигурно или многу веројатно од 37 проценти од испитаниците во девет земји.
Сепак, мал процент од учесниците во анкетата веруваат дека дигиталното евро или слична дигитална валута на централната банка (CBDC) ќе ги замени готовината.
Сепак, една третина, односно 33 проценти од испитаниците во земјите од еврозоната опфатени со истражувањето, никогаш не слушнале за дигиталното евро, на кое Европската централна банка (ЕЦБ) работи со години.
Се споменува дека дигиталното евро ќе биде воведено во 2029 година. ЕЦБ нагласува дека целта не е укинување на готовината, туку создавање дигитална алтернатива на банкнотите и монетите, пренесува Бизнис.рс.
Фото Економија и бизнис
