Берлин и Париз наскоро ќе бидат поврзани со нова дневна железничка линија. Патувањето ќе трае околу осум часа, а првиот воз ќе тргне во декември, објавиja од Германските железници (Дојче Бан).
– За прв пат два големи града ќе бидат поврзани со дневен брз воз, изјавиja Дојче Бан.
Директен ноќен воз сообраќа меѓу Берлин и Париз од крајот на минатата година, организиран од Австриските федерални железници (ÖBB).
Новата линија ја водат заеднички ДБ и француската железница SNCF.
DB и SNCF ги здружија силите во брзата железница во 2007 година, кога возовите ICE и TGV почнаа да сообраќаат од Париз до Франкфурт, Штутгарт и Минхен.
Дневната линија исто така оди од Франкфурт до Марсеј од 2012 година, додека дополнителна викенд врска со Бордо беше воведена минатата година, пренесува „Инвеститор.ме“.
фото freepic
