Австрија е водечка земја во Европската Унија во еколошкото земјоделско производство, а 27,1 отсто од обработливите површини се обработува на еколошки начин. Просекот во ЕУ изнесува околу десет отсто. Во 2023 година, продажбата на еколошки и свежи производи се зголеми за 5,2 отсто и достигна 873,6 милиони евра, но се намали во категоријата на други преработени органски производи за 2,8 отсто, пишува Агрархојт.
Во 2023 година се намалил и бројот на еколошки фарми во споредба со 2022 година, а за една година биле згаснати 930 стопанства, односно четири отсто. Бројот на еколошки земјоделски фарми изнесува над 24 илјади, што е 22,7 отсто од вкупниот број на земјоделски стопанства во Австрија.
Во истиот период се намалила и површината со култури кои се одгледуваат заседена на еколошки начин, или за десет илјади хектари помалку. Како главна причина за ова намалување, претседателката на здружението „Био Австрија“, Барбара Риеглер, ја наведува неможноста на земјоделците да остварат доволен приход, затоа што продажните цени на органските производи станале пониски, а воедно се зголемиле трошоците за производство.
За да го одржи еколошкото земјоделско производство во Австрија беше претставен финансиски пакет во вредност од 360 милиони евра.
Сличен тренд на намалување има и во Италија, која ја следи Австрија во еколошкото земјоделско производство. Нема прецизни податоци колку од италијанските фармери се откажале од еколошкото производство, но причините кои ги наведуваат тие се високите трошоци за сертификација и зголемени административни барања, што претставува проблем за малите земјоделски производители, пренесува Политика.
фото freepic
