Во 2025 година, Хрватска ја посетиле 21,8 милиони туристи, кои регистрирале 110,1 милиони ноќевања, што е за два и еден процент повеќе отколку во 2024 година, објави во среда Хрватскиот национален туристички завод (ХТЗ).
Според податоците од eVisitor, кои го вклучуваат туристичкиот сообраќај во комерцијални и некомерцијални сместувачки капацитети и наутички чартер, поголемиот дел од туристичките ноќевања во Хрватска во 2025 година, или 104,6 милиони, се регистрирани на Јадранското Море, што е за еден процент повеќе отколку во 2024 година. Во континенталниот дел од земјата, вклучувајќи го и Загреб, се регистрирани преостанатите 5,6 милиони ноќевања, или два проценти повеќе отколку во претходната година. Истра повторно меѓу регионите со најмногу ноќевања во 2025 година, а Дубровник меѓу поединечните дестинации.
Најмногу ноќевања во 2025 година традиционално биле во Истра, 30,3 милиони, по што следуваат Сплит-Далмација со 20,9 милиони, Кварнер со 18,5 милиони ноќевања, Задар со 15,5 милиони, Дубровник-Неретва со 9,3 милиони, Шибеник-Книн со 6,6 милиони и Личко-Сењска жупанија со 3,5 милиони ноќевања. По дестинации, најмногу ноќевања во 2025 година имало во Дубровник, Ровињ, Сплит, Пореч и Умаг.
Меѓу странските туристи, кои сочинуваат повеќе од 90 проценти од вкупниот туристички сообраќај, најмногу ноќевања во Хрватска во 2025 година повторно забележале Германците, 22,3 милиони. На второ место, со 13,8 милиони ноќевања, се домашните туристи, по нив следуваат туристите од Словенија со 11,1 милиони, Австрија со 8,2 милиони, Полска со 7,3 милиони, Чешка со 4,9 милиони и Велика Британија со 4,1 милиони ноќевања.
Фото Економија и бизнис
