Банките нудат најразлични производи и услуги. Мерењето и искажувањето на перформансите од работењето на банките се врши со примена на утврдени сметководствени методологии, што во голем дел се хармонизирани на глобално ниво, со што пак се овозможува споредливост меѓу банките и избор од страна на клиентите. Но, сметководните модели не овозможуваат информации за тоа кои производи и услуги се профитабилни или непрофитабилни, каква е профитабилноста по клиенти и организациски делови, дали поставените процесите се добро синхронизирани и овозможуваат најдобро искористување на ресурсите и дали се можни подобрувања, каков е апетитот за ризик и како тој би се движел во иднина.
