Американската економија забави повеќе од очекуваното кон крајот на 2025 година, бидејќи затворањето на владата влијаеше врз трошењето и инвестициите, додека клучниот показател за инфлацијата покажа дека високите цени остануваат фактор во економијата, покажаа податоците објавени денеска.

Бруто домашниот производ порасна со годишна стапка од само 1,4%, според Министерството за трговија, што е далеку под проценката на Дау Џонс за раст од 2,5%.

Трошоците на домаќинствата пораснаа со побавно темпо во текот на периодот, додека владините трошоци нагло паднаа во квартал обележан со рекордно долго затворање. Министерството процени дека затворањето одзеде околу 1 процентен поен од растот, иако додаде дека точните влијанија „не можат да се квантифицираат“.

За целата 2025 година, американската економија порасна со стапка од 2,2%, што е намалување во однос на растот од 2,8% во 2024 година.

„Затворањето на федералната влада јасно ја спречи економијата да постигне силен раст во четвртиот квартал, еднократен настан што нема да се случи повторно на почетокот на 2026 година“, рече економистот Крис Рупки. Непосредно пред објавувањето на податоците, претседателот Доналд Трамп предупреди дека бројките за БДП ќе бидат слаби, обвинувајќи го за тоа затворањето на владата што заврши во ноември, пренесува Сеебиз.

Денеска Врховниот суд на САД  го блокираше претседателот Доналд Трамп во користењето на законот за вонредни состојби за еднострано воведување сеопфатни царини за повеќето трговски партнери на САД.

Како што јави Фокс Њуз, со ова му е нанесен удар на претседателот „во случај фокусиран на една од неговите клучни економски политики – онаа што тој ја карактеризираше како прашање на ’живот или смрт‘ за американската економија“.

Фото Економија и бизнис