Минималната плата во Србија од 2025 година ќе изнесува 53.592 динари, што е зголемување од 13, 7 отсто. Минималниот износ на плата ќе ја покрива потрошувачката кошничка, а еден работен час во Србија ќе се плаќа 308 динари или 2,6 евра. Ова е договорeно на денешната седница на Социјално-економскиот совет во Србија.
Српскиот премиер Милош Вучевиќ изјави дека ова е прв пат по шест години одлуката за висината на минималецот да се донесува со социјален дијалог, а не со еднострана одлука на Владата.
Сегашниот износ на минимална плата е 404 евра, а од следната ќе биде 457 евра, што е двоцифрена стапка на раст. При одредувањето на минималната плата се водело сметка да не го загрози растот на БДП, како и интересите на работодавачите и компаниите, да се задржат работните места , да се одржи буџетската и фискалната стабилност и да се овозможи прилив на нови странски инвестиции, пренесува РТС.
фото freepic
