Во Скопје, на 17 и 18 јуни 2025 година, ќе се одржат два исклучително значајни настани за сите професионалци заинтересирани за современи пристапи во лидерството и донесувањето одлуки. Настаните се фокусирани на примена на невронауката во лидерството, мотивацијата и управувањето со луѓе – теми кои стануваат сè порелевантни во време на постојани промени и предизвици.
На 17 јуни, во просториите на М6 Едукативниот центар, ќе се одржи тренингот „Neuroscience for Leaders: How To Boost Empathy, Trust & Motivation at Work“ со д-р Николаос Димитриадис, научник и експерт со меѓународна кариера, кој е и извршен директор на EY Applied Neuroscience Lab од Атина.
Интересно е што сите учесници на тренингот добиваат и БЕСПЛАТЕН пристап до следниот настан – конференцијата „Decisions, Decisions: Neuroscience and the Future of Leadership“, која ќе се одржи на 18 јуни, каде, покрај д-р Димитриадис, ќе имате можност да слушнете и други експерти и да дознаете и да се мотивирате како до подобри одлуки во работата и приватниот живот.
За учество може да се пријавите ТУКА.
Темите ќе вклучуваат:
– Примена на невронаука во маркетинг, HR, безбедност и бизнис трансформации
– Иднината на одлучувањето во ера на вештачка интелигенција
– Како функционира мозокот при донесување одлуки
– Зошто мозокот понекогаш работи против доброто лидерство
На настанот ќе учествуваат околу 120 експерти од областа на невролидерството, доктори, консултанти, вработени во компании и студенти.
- – „Мозокот како лидер: Невронауката зад ефективното водство“Д-р Николаос Димитриадис, Главен извршен директор, EY Applied Neuroscience Lab, Атина
- – „AI + Невромаркетинг: Иднината на одлучувањето“, Весна Кузмановиќ, Основачка на првата DIY невромаркетинг платформа, IMPALA Research
- – „AI, невронаука и лидерство: каде се сретнуваат?“ Д-р Ирена Чаушевска, Основачка наNewMan’s Business Accelerator, истражувачка и докторантка по невронаука
- – „(Неуро)лидерство на новото време: кога мозокот и емоциите работат заедно“, Наташа Ивановска и Биљана Велевска,Лиценцирани обучувачи и експерти за емоционална интелигенција преку Genos методологијата
- – Case Study сесии – Примена во пракса, Претставници од компании ќе споделат конкретни искуства и резултати од користење невроалатки и емоционална интелигенција во маркетинг стратегии, селекција и евалуација на кадар и подобрување на организациската култура.
Организаторите најавуваат уникатна можност за вмрежување, учење и инспирација од некои од најнапредните практики во областа на невролидерството.
Пријавувањето за конференцијата е отворено, а заинтересираните можат да се регистрираат тука. Попусти се достапни за групни пријави.
