Владата на Норвешка објави дека постигнала договор со група компании за национализација на голем дел од гасоводната мрежа, а овој потег го смета за исполнување на националниот интерес. Норвешката влада минатата година најави дека по истекот на концесијата во 2028 година ќе ја национализира гасоводната мрежа, како и капцитетите за преработка и други делови од гасната инфраструктура и ги повика носителите на концесиите на преговори.
Ставот на власта во Осло е дека гасоводната мрежа претставува национален интерес и нејзин сопственик мора да биде државата. Гасоводната мрежа ги поврзува полињата во Северното и Норвешкото Море и преку неа се транспортира гасот во Велика Британија и другите земји во Европа.
Понудата на норвешката влада изнесуваше 1,54 милијарди евра. Досега владата беше сопственик на 46,7 отсто од вредноста на компанијата „Гаслед“, пренесува „Сеебиз“.
фото freepic
