Во објава на фејсбук градоначалничката на Кисела Вода, Бети Стаменкоска Трајкоска ја информира јавноста дека по денешниот повторен увид на терен со градоначалникот на Општина Сопиште, Јане Мицевски, и извршените стручни анализи, во координација со сите релевантни институции, донесена е одлука за итно затворање на овој патен правец.

„Ја информираме јавноста дека интензивно се работи на изнаоѓање на најбрзото и најбезбедното техничко решение за трајна санација на оштетувањето. Апелираме до сите граѓани доследно да ја почитуваат поставената сигнализација и да ги користат алтернативните патни правци сè до целосно отстранување на дефектот. Посветени сме на изнаоѓање на најбрзо и сигурно решение за враќање на патот во нормална функција. БЕЗБЕДНОСТА НА ГРАЃАНИТЕ Е НАШ ВРВЕН ПРИОРИТЕТ!, стои во објавата.