Жителите на Словенија и Хрватска купуваат храна два до три пати неделно, најчесто во трговските синџири, а Србите купуваат секојдневно и почесто во локалните продавници, месарници и на пазарите. Словенечките потрошувачи повеќе го истакнуваат квалитетот, а на хрватските и на српските им се поважни пониските цени, објави Медиана ТГИ Адриа.
Во Словенија само седум отсто од купувачите прават набавки секој ден. Во Хрватска тоа го прават 15 отсто, а во Србија 36 отсто од граѓаните.
Во сите три земји најголем број од граѓаните купуваат во големите центри или супермаркетите: во Словенија 88 отсто, во Хрватска 83 отсто и во Србија 65 отсто од купувачите.
– Во Словенија како најважни фактори за пазарење се квалитетот, свежината на храната и локацијата на продавницата. На хрватските и српските потрошувачи им се важни свежината и цената на производот. Хрватите ги следат и акциските понуди, а во Србија им е поважна близината на продавницата, изјави Јерица Урбанчиќ Мених, директорка во Меидана, која ги истакна значајните разлики за одлуката на купувачите во трите земји, објави „Сеебиз“.
фото freepic
