Финансиската интермедијација (посредништво) во Република Македонија, според податоците на НБРМ за 2013 г., има едноставна структура: доминантно учество на банките и на штедилниците со 88,3%; а на недепозитните финансиски институции, каде што спаѓаат пензиските фондови, брокерските друштва, осигурителните друштва, лизинг компаниите и инвестициските фондови, отпаѓаат 11,7%. Во годините од осамостојувањето до денес, овој однос беше уште понагласен во корист на банките.
Задолжителните пензиски фондови заземаат 6.4% од вкупните средства или повеќе од половината од износот што се однесува на недепозитните финансиски институции. Овие посредници во финансискиот сектор кај нас дополнително го зголемија своето учество над 8% во 2014 година. Осигурителните друштва учествуваат со 3,3% во 2013 г. или заедно со пензиските фондови нивното учество изнесува 9,7% во 2013 г. Сите останати учесници партиципираат со само 2% во вкупниот финансиски систем.
