Според најновите податоци од Организацијата за храна и земјоделство на Обединетите нации (ФАО), глобалното производство на ориз во сезоната 2024/25 се проценува на околу 543,6 милиони тони, што претставува зголемување од 1,5 проценти во споредба со претходната и означува рекордно ниво на производство. Оризот е третата најзастапена житна култура во светот по обем на производство и потрошувачка, веднаш по пченката и пченицата.
Залихите на ориз на крајот на 2024/25 година се очекува да достигнат ниво од 205,7 милиони тони, што претставува раст од 3,1 процент во споредба со претходната година. Меѓународната трговија со ориз би можела да достигне 60,4 милиони тони, што претставува зголемување од 1,2 проценти и нов рекорд во глобалната трговија.
Потребите од ориз за потрошувачите од Србија целосно се покриваат од увоз. Според најновите податоци од 2024 година, просечната потрошувачка на ориз по домаќинство во Србија изнесувала 60,2 килограми годишно, што е зголемување од 3,55 килограми во споредба со 2023 година, а тоа ја рангира Србија како земја со ниска потрошувачка, за разлика од азиските земји каде што оризот традиционално е главен прехранбен производ.
Со оглед на високите трошоци за производство и ниските домашни навики за потрошувачка, одгледувањето ориз не е конкурентно во споредба со другите култури како што се пченката, пченицата или сончогледот. Поради овие причини, Србија увезува ориз од земји кои го произведуваат поевтино и во големи количини, како што се Италија, Индија и Кина, објави Бизнис.рс.
