Извозот на челик од Еевропската Унија во САД се намали за 30 проценти на годишно ниво во втората половина од 2025 година, според податоците објавени оваа недела од европското здружение за челик „Еурофер“.

Здружението ги обвини увозните тарифи наметнати од американскиот претседател Доналд Трамп и повика на избалансиран договор меѓу САД и ЕУ.

Минатата година, Трамп воведе тарифи од 50 проценти за увоз на челик и алуминиум од САД. По преговорите со ЕУ, тој се согласи да ги намали тарифите за повеќето стоки од ЕУ на 15 проценти, што не ги вклучува челикот и алуминиумот. Потоа ги прошири тарифите на стотици производи што содржат челик или алуминиум.

Како одговор, Европската комисија предложи, меѓу другото, зголемување на тарифите за увоз на челик во ЕУ од 25 на 50 проценти. Ова има за цел да го ограничи прелевањето на вишокот челик на пазарот на ЕУ, пренесува Сеебиз.

Фото Економија и бизнис